रौतहट।
रौतहटको फतुवा–विजयपुरमा जंगली हात्तीको आक्रमणमा परी एक वृद्धाको मृत्यु भएको छ ।
फतुवा विजयपुर–११ बुट्वा राङिगाउँकी ७० वर्षीया पातली तामाङको आफ्नै घरमा सुतिरहेको अवस्थामा जंगली हात्तीले आक्रमण गर्दा मृत्यु भएको प्रहरीले जनाएको छ । सँगै सुतिरहेका तामाङका श्रीमान्ले भागेर ज्यान जोगाएका थिए ।
हात्तीको आक्रमणबाट तामाङको घरमा पूर्ण क्षति भएको छ । इलाका प्रहरी बिजयपुर, डिभिजन वन कार्यालय चन्द्रनिगाहपुर र सशस्त्र बेस क्याम्प बिजयपुरको टोली घटनास्थल पुगेको छ ।
घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।
