पाँचथर।
घरमा लागिरहेको आगोबाट सामान जोगाउन खोज्दा जलेर घाइते भएका पाँचथरका एक ब्यक्तिको मृत्यु भएको छ ।
मृत्यु हुनेमा फिदिम २ का ६२ वर्षीय जयप्रकाश राई रहेको प्रहरीले जनाएको छ । उनको काठमाडौँ स्थित बर्न अस्पतालमा बिहीबार बिहान मृत्यु भएको जिल्ला प्रहरी कार्यालय पाँचथरले जनाएको हो ।
राईको घरमा मंगलबार अपराह्न सवा चार बजे आगलागी भएको थियो । आगलागी भइरहेका बखत सामग्री जोगाउने क्रममा गम्भीर घाइते भएका उनलाई बुधवार दिउँसो नेपाली सेनाको हेलिकोप्टर मार्फत कीर्तिपुर पठाइएको थियो ।
उहाँको उपचारका क्रममा बिहीबार बिहान मृत्यु भएको पारिवारिक स्रोतले जनाएको छ ।
