झापा।
झापाको गौरीगञ्ज गाउँपालिका–३ ठेकिटोलास्थित हुलाकी सडकखण्डमा मोटरसाइकल दुर्घटना हुँदा एकजनाको मृत्यु भएको छ ।
गौरीगञ्ज बजारबाट कोरोबारीतर्फ जाँदै गरेको मे ८ प ८८९५ नम्बरको मोटरसाइकल आफै अनियन्त्रित भई दुर्घटना हुँदा मोटरसाइलक चालक गौरीगञ्ज गाउँपालिका–४ का ३० वर्षीय रोशन मगरको मृत्यु भएको हो ।
सोही मोटरसाइकलमा पछाडी सवार गौरीगञ्ज गाउँपालिका–२ का ३२ वर्षीय श्याम राजवंशी घाइते भएका छन् । दुवैजनालाई उपचारको लागि लाईफ लाईन अस्पताल दमक पठाइएकोमा उपचारको क्रममा मोटरसाइकल चालक मगरको मृत्यु भएको जिल्ला प्रहरी कार्यालय झापाले जनाएको छ ।
