सुरुङ्गा। 
नमुनाउन्मुख कन्काई माध्यमिक विद्यालय सुरुङ्गाको नवनिर्वाचित शिक्षक अभिभावक सङ्घ (पीटीए) को पदस्थापन भएको छ ।
एक कार्यक्रमका वीच नवनिर्वाचित पीटीए अध्यक्ष खगमाया चापागाईं, सदस्यहरू दीपेन्द्रप्रसाद पराजुली (राजन), मुना मैनाली (गौतम), विन्दुराज दाहाल, कोपिला श्रेष्ठ, मन्दिरा सुवेदी, भक्तबहादुर खडका र टीकाराम चिमरियाले अबिर र प्रमाणपत्र ग्रहण गर्दै पदबहाल गरेका थिए।
विद्यालय व्यवस्थापन समिति अध्यक्ष चन्द्रप्रसाद प्रसाईंको अध्यक्षतामा भएको कार्यक्रममा पीटीएका निवर्तमान अध्यक्ष रमेश शेर्पा, प्रधानाध्यापक कर्णबहादुर डाँगी, विव्यस सदस्यहरू गोविन्द सुवेदी र क्रान्ति सुवेदीले बधाई मन्तव्य राखेका थिए । कार्यक्रममा नवनिर्वाचित पीटीए अध्यक्ष खगमाया चापागाईंले प्रतिबद्धता मन्तव्य राखेकी थिइन् ।
प्रतिबद्धता मन्तव्य राख्दै अध्यक्ष चापागाईंले विद्यालयलाई उत्कृष्ट नमुना विद्यालय बनाउन सबै पक्षको उचित सल्लाहसुझाव ग्रहण गरी अभिभावक परिचालनमा विशेष ध्यान दिने बताइन् । आफ्नो प्राथमिकतामा विद्यार्थी अनुशासन, विद्यालय सरसफाइ र विद्यार्थी खाजाको उचित व्यवस्थापन रहनेमा चापागाईंले जोड दिएकी थिइन् ।
कार्यक्रममा पीटीएका निवर्तमान सदस्य राम घिमिरे र दुर्गा पौडेलको उपस्थिति थियोे । शिक्षक प्रतिनिधि दिलिपकुमार खतिवडाले स्वागत मन्तव्य राखेको कार्यक्रम विद्यालयका सहायक प्रधानाध्यापक तीर्थराज खरेलले सञ्चालन गरेका थिए ।
