झापा ।
झापाको कमल गाउँपालिका–२ समयगढमा आगलागी हुँदा एक घर जलेर नष्ट भएको छ ।
समयगढ घर भएका चन्द्र श्रेष्ठको घरमा अचानक आगलागी भएको हो । आगलागीबाट श्रेष्ठको बाँसको भाटाको टाटी बेरा, टिनको छाना भएको एकतले घर जलेर नष्ट भएको प्रहरीले जनाएको छ ।
आगलागीबाट घर र घरमा भएका भाडा वर्तन, अन्नपात, लत्ताकपडा पूर्ण रुपमा जलेर नष्ट हुँदा अन्दाजी तीन लाख बराबरको क्षति भएको जिल्ला प्रहरी कार्यालयले जनाएको छ ।
प्रहरी चौकी तोपगाछीबाट खटिएको प्रहरी टोली ,स्थानीयवासी र कमल गाउँपालिकाको दमकलको सहयोगमा आगो पूर्णरुपमा नियन्त्रणमा आएको जनाइएको छ ।
