झापा।
झापाको बिरिङ खोलामा अवैध रूपमा खोलाजन्य पदार्थ उत्खनन गरिरहेको अवस्थामा ९ वटा ट्याक्टरहरू प्रहरीले नियन्त्रणमा लिएको छ ।
अर्जुनधारा नगरपालिका वडा नं. ७ स्थित बिरिङ खोलामा अवैध रूपमा ट्याक्टरहरूले खोलाजन्य पदार्थ निकालिरहेको सूचना पाएपछि नगर प्रहरीसहित जनपथ र सशस्त्र प्रहरीले ट्याक्टरहरू नियन्त्रणमा लिएर अर्जुनधारा नगरपालिकालाई बुझाएको जिल्ला प्रहरी कार्यालय झापाले जनाएको छ ।
प्रहरीका अनुसार मे १ त ५३२६, मे १ त ७५२९, प्र.१–०१–००१ त ९३००, मे १ त ८४२०, मे १ त ८८६६, मे १ त ६०८०, मे १ त २४८३, मे १ त ७२९४ र नम्बर नखुलेको १ वटा गरेर ९ वटा ट्याक्टरहरूले अवैध रूपमा गिटी बालुवा उत्खनन गरिरहेका थिए । झापाका खोलाहरूमा अवैध रूपमा खोलाजन्य उत्खनन हुने गरेको छ ।
