विराटनगर।
झापा, सुनसरी र उदयपुरका छुट्टा–छुट्टै स्थानमा भएका सवारी दुर्घटनामा चार जनाको मृत्यु भएको छ ।
झापाको कन्काई नगरपालिका–८ लक्ष्मिपुरस्थित पूर्व–पश्चिम राजमार्गमा ना ४ च ४०८४ नम्बरको छोटा हात्ति गाडीले बाटो काट्दै गर्दै गरेका स्थानीय ६५ बर्षीय गर्बसिंह राईलाई ठक्कर दिँदा घाईते भएका उनको उपचारको क्रममा बिर्तासिटी अस्पताल झापामा मृत्यु भएको थियो ।
उता सुनसरीको ईनरुवा नगरपालिका–६ स्थित पूर्व–पश्चिम राजमार्गमा ९३ बर्षीय अमरबहादुर अधिकारीलाई नम्वर नखुलेको सवारी साधनले ठक्कर दिँदा घाईते भई उपचारको लागि इनरुवा अस्पताल लगिएकोमा अस्पताल पुर्याउनासाथ उनको मृत्यु भएको थियो ।
हरीनगर गाउँपालिका–४ स्थित भित्री सडक खण्डमा को १ ख ६४३१ नम्बरको टिपरको ठक्करबाट साईकल यात्री देवानगंज गाउँपालिका–७ का ५० बर्षीय झलु उरावको घटनास्थलमै मृत्यु भएको थियो ।
त्यस्तै उदयपुरको त्रियुगा नगरपालिका–१० बोक्सेमा बा.प्र.०१–००६ ख ५८७१ नम्बरको हाईस गाडीको ठक्करबाट घाईते भएका पैदल यात्री त्रियुगा नगरपालिका–११ का ५५ बर्षीय परनसेर राईको उपचारको क्रममा जिल्ला अस्पताल उदयपुरमा मृत्यु भएको थियो ।
