झापा,
नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले झापा निर्वाचन क्षेत्र नम्वर ५ बाट उम्मेदवारी मनोनयन दर्ता गराएका छन् ।
दमकस्थित निर्वाचन अधिकृतको कार्यालय पुगेर उनले मनोनयन दर्ता गरेका हुन् । मनोनयन दर्ता कार्यक्रममा ओलीले स्थानीय नेता र समर्थकसँग संक्षिप्त भेटघाट पनि गरेका थिए। उनले निर्वाचनमा जनतासँग प्रत्यक्ष संवाद गर्दै आफ्नो राजनीतिक अनुभव र पार्टीको कार्यक्रममा आधारित प्रतिवद्धता व्यक्त गरे।
उनीसँगै, यहाँबाट राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले पनि मनोनयन दर्ता गराइसकेका छन्। बालेन आफ्नो समर्थकहरूको साथमा झापा–५ बाट चुनावी प्रतिस्पर्धामा उत्रिएको जानकारी प्राप्त भएको छ।
यसरी झापा–५ मा आगामी प्रतिनिधिसभा चुनाव प्रधानमन्त्रीसमेत भइसकेका ओली र युवा नेता बालेनको प्रतिष्पर्धा निश्चित भएको छ। राजनीतिक विश्लेषकहरूले दुवै नेताको जनसमर्थन र चुनावी रणनीतिका आधारमा यो क्षेत्रको मत विभाजन निकै प्रतिस्पर्धात्मक हुने अनुमान व्यक्त गरेका छन्।
निर्वाचन अधिकारीहरूले मतदातालाई शान्तिपूर्ण मतदान र संवैधानिक प्रक्रियामा सहकार्य गर्न आग्रह गरेका छन्।
