काठमाडौं ।
होली खेल्दा ध्यान दिन डाक्टरले सुझाव दिएका छन् ।
टेकु अस्पतालका प्रवक्ता एवं सरुवा रोग विशेषज्ञ डाक्टर अनुप बास्तोलाले कोरोना भाइरसको जोखिम बढेकाले होली खेल्दा विशेष ध्यान दिन सुझाव दिएका छन् ।
डाक्टर बास्तोलाका अनुसार कोरोनाको भाइरसको सङ्क्रमणबाट जोगिन व्यक्ति आफैँ पनि सचेत हुनुपर्छ । होली पर्वमा एक अर्कालाई अबिर र रङ्ग लगाउँदा वा पानी खेल्दा मानिस मानिसबीचको दूरी नजिक हुने हुँदा रुघोखोकी सर्ने सम्भावना धेरै हुन्छ ।
यस्तै, हाछ्यूँ गर्दा थुक उछिटेर अरु व्यक्तिमा पनि सर्ने खतरा हुने डाक्टर बाँस्तोलाले बताए । कोरोनाको भाइरस चिसोमा बढी सक्रिय हुने गर्दछ ।
