विनोद सापकोटा /झापा। 
झापाको शिवसताक्षी नगरपालिका वडा नम्बर ३ स्थित कमल खोलाको पुलमा आईतबार बिहान अडकिएको अवस्थामा बेवारिसे शव फेला परेको छ ।
स्थानीयले कमल खोलामा आएको बाढीले बगाएर उक्त शव ल्याएको हुन सक्ने बताएका छन् । शुक्रबार ईलाम लगायतका पहाडी जिल्लामा भारी बर्षा भएको थियो । जसका कारण खोलामा पानिको बहाव बढेको थियो ।
अण्डर वेयर मात्र लगाएको अवस्थाको ३०–३५ वर्षको जस्तो देखिने पुरुषको शव फेला परेको स्थानीय भिम भारतीले बताए ।
शिवसताक्षी नगरपालिका वडा नम्बर ३ र कमल गाँउपालिका वडा नम्बर ४ को कमल खोलाको निर्माणाधिन पुलमा अड्किएको अवस्थामा स्थानीयले शव देखेपछि प्रहरीलाई खबर गरेका थिए ।
स्थानीयका अनुसार उक्त शव मंगोलिय समुदायको हो । शव फेला परेको स्थानमा प्रहरीको टोली जाँदै गरेको झापा प्रहरीले बताएको छ ।
