झापा ।
![](https://purwanchaldaily.com/wp-content/uploads/2020/12/ramesh-p.jpg)
झापाको मेचीनगर–१० काँकरभिट्टा घर भका चर्चित वक्ताका रुपमा आफ्नो छुट्टै पहिचान बनाउन सफल रमेश प्रसाईले कालिकोट घर भई काठमाडौंमा समाजसेवा गरिरहेकी नन्दा सिंहसँग धरानमा लगनगाँठो कसेका छन् ।
आज उनीहरुले धरानमा विहे गरेका हुन् । धरानमा बसेर अध्ययन गरेका प्रसाईको निजी घर काँकरभिट्टामा रहेको छ । काँकरभिट्टाको भानुटोलमा दसानो घडेरीमा उनको दुईतले घर छ । घरमा बुवा, आमा र भाइवहिनीहरु बस्दै आएका छन् ।
जन्ती जाँदा लगाएको दौरा, सुरुवाल, कोट र टोपीमा उनी निकै खुलेका थिए, साह्रै सुहाएको थियो । निकै हतारमा रहेका उनीसँग फोटो खिचाउन भीड लागेको थियो । वेहुली नन्दा सिंह काठमाडौंबाट विहेका लागि धरान आएर आफन्तको घरमा बसेकी थिइन् ।