मोरङ,
विराटनगरबाट एक फरार प्रतिवादी पक्राउ परेका छन्। पक्राउ पर्नेमा विराटनगर महानगरपालिका- ६ का २८ वर्षीय शेखर कामत रहेको १ नम्बर प्रदेश प्रहरी कार्यालय विराटनगरले जनाएको छ ।
मोरङ जिल्ला अदालतको मिति २०७९ असोज १६ गतेको सजाय निर्धारण फैसला आदेशले १ महिना ५ दिन कैद र २ हजार ५ सय जरिवाना बेरुजु रही असुल गर्न बाँकी रहेका चोरी मुद्दाका फरार कामतलाई प्रदेश प्रहरी कार्यालयको आरआइटी टोलीले पक्राउ गरेको हो ।
खोज तलास गर्ने क्रममा गाउँघरमा नै लुकिछिपी बसेको अवस्थामा उनलाई पक्राउ गरी मोरङ जिल्ला अदालतमा दाखिला गरे पश्चात् कैद भुक्तानको लागी जिल्ला कारागार मोरङ पठाएको प्रहरीले जनाएको छ ।
