बिर्तामोड ।
झापाको शरणामतीमा भएको सवारी दुर्घटनामा एक जनाको मृत्यु भएको छ ।
सोमवारराति मोटरसाइकलको ठक्करबाट शम्भु कार्कीको मृत्यु भएको प्रहरीले जनाएको छ ।
झापा गाउँपालिका–४ स्थित हुलाकी राजमार्गमा शरणामतीबाट कुमरखोद जाँदै गरेको मे ३ प ५९२१ नम्वरको मोटरसाइकलले कार्कीलाई ठक्कर दिएको थियो ।
५५ वर्षीय कार्कीको उपचारका क्रममा बिर्तामोडस्थित वीएण्डसी अस्पतालमा मृत्यु भएको जिल्ला प्रहरी कार्यालय झापाले जनाएको छ ।
