लिभिङ टुगेदरमा बसेकी महिलाको हत्या गर्दा…

२७ फाल्गुन २०८०, आईतवार मा प्रकाशित

संखुवासभा।

प्रहरीले संखुवासभाको खाँदवारी नगरपालिका–११ घर भई खाँदवारी नगरपालिका–७ मा बस्दै आएका ३१ बर्षीय मंसीरे शेर्पालाई बिनाकुमारी राईको हत्या गरेको आरोपमा पक्राउ गरेको छ ।

सिलिचोङ गाउँपालिका–२ घर भई लिभिङ टुगेदरमा शेर्पासंगै बस्दै आएकी २६ बर्षीय बिना कुमारी राई र शेर्पा बीच फागुन १८ गते घरायसी बिषयमा विवाद हुँदा रिशको आवेगमा शेर्पाले मृतक राईलाई जथाभावी कुटपिट गर्दा उनको घटनास्थलमा नै मृत्यु भएको थियो ।

घटनाको जानकारी पाए लगतै घटनास्थलमा खटिएको प्रहरी टोलीले आरोपित शेर्पालाई खोजतलास गर्ने क्रममा फागुन २४ गते संखुवासभा नगरपालिका–७ को एक घरमा लुकिछिपी बसेको अवस्थामा पक्राउ गरेको हो ।

हत्या आरोपमा पक्राउ परेका शेर्पाको सम्बन्धमा प्रहरी थप अनुसन्धान गरिरहेको कोशी प्रदेश प्रहरी कार्यालय विराटनगरले जनाएको छ ।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here