आदर्श च्यालेञ्ज कपः उपाधिका लागि बिर्तामोड र मानेभञ्ज्याङ भिड्दै

२१ बैशाख २०८१, शुक्रबार मा प्रकाशित

बुद्धशान्ति ।

झापाको बुद्धशान्तिमा जारी तेस्रो आदर्श च्यालेञ्ज कपको उपाधिका लागि शनिवार बिर्तामोड युनाइटेड एफसी र पाहुना टीम भारतको मानेभञ्ज्याङ एफसी भिड्दैछन् ।

यसअघि भएको सेमीफाइनलमा बिर्तामोड युनाइटेडले बेलबारी एफसीलाई टाइब्रेकरमा ५÷४ ले र मानेभञ्ज्याङले आयोजक आदर्श क्लबलाई २/० ले पाखा लगाउँदै उपाधि भिडन्त तय गरेका थिए ।

प्रतियोगिताको विजेताले उपाधिसहित नगद २ लाख, तथा उपविजेताले नगद एक लाख रुपैयाँसहित ट्रफी, मेडल र प्रमाण पत्र प्राप्त गर्ने समितिका सचिव दुर्योधन सिंह देवले बताए ।

उनका अनुसार प्रतियोगिताको उत्कृष्ट डिफेण्डर, मिडफिल्डर, गोलरक्षक, स्ट्राइकर र उदियमान खेलाडीले जनही ५ हजार रुपैयाँ पुरस्कार पाउने छन् ।

वैशाख १५ गतेदेखि जारी प्रतियोगितामा भारतका दुुईसहित ८ टीमको सहभागिता रहेको थियो । त्यसैगरी, फाइनल खेलको अवसरमा नेपाली राष्ट्रिय महिला टीमका कप्तान एन्जिला तुम्बापो सुब्बालाई सम्मान गरिने प्रतियोगिता आयोजक समितिका संयोजक मनेष दाहालले जानकारी दिए ।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here