झापा।
झापाको कचनकवल गाउँपालिका ४ मा करेन्ट लागेर एक ब्यक्तिको मृत्यु भएको छ ।
मृत्यु हुनेमा सोही स्थानका १५ वर्षीय विशालकुमार साहको रहेको जिल्ला प्रहरी कार्यालय झापाले जनाएको छ ।
घरको बरण्डामा रहेको टिनको छानोमा विद्युत प्रवाह हुदाँ उनलाई करेन्ट लगेको थियो । उनलाई तत्काल उपचारको लागि प्राथमिक उपचार केन्द्र बनियानी लगेपनि उनको बाटोमै मृत्यु भइसकेको चिकित्सकले बताए ।
घटनाका सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।
