झापा ।
झापाको मेचीनगरमा बसको ठक्करबाट मोटरसाइकल चालकको मृत्यु भएको छ।
मृत्यु हुनेमा भद्रपुर नगरपालिका–१० का ५५ वर्षीय किसन न्यौपाने रहेको जिल्ला प्रहरी कार्यालय झापाले जनाएको छ। पूर्व–पश्चिम राजमार्ग अन्तर्गत मेचीनगर नगरपालिका–११ तेलिबारीमा बागमती प्र–०१–००६ ख ४९०९ नम्बरको बससँग मे १० प ३५७२ नम्बरको मोटरसाइकल ठोकिँदा दुर्घटना भएको थियो।
दुर्घटनामा घाइते मोटरसाइकल चालक न्यौपानेलाई बीएण्डसी अस्पताल बिर्तामोड पुर्याए लगतै चिकित्सकले मृत घोषित गरिदिएको प्रहरीले जनाएको छ।
