झापा ।
झापामा लागूऔषध खैरो हेरोइनसहित एक युवक पक्राउ परेका छन् ।
सोमबार बेलुका लागूऔषध नियन्त्रण ब्युरो काँकरभिट्टाबाट खटिएको टोलीले भारतबाट नेपालतर्फ आउँदै गरेका बुद्धशान्ति गाउँपालिका–२ का २१ वर्षीय प्रजित तामाङलाई खैरो हेरोइनसहित पक्राउ गरेको हो ।
उनलाई मेचीनगर–६ स्थित पुरानो मेची पुलबाट पक्राउ गरेको जिल्ला प्रहरी कार्यालय झापाले जनाएको छ ।
उनीमाथि शंका लागेर चेकजाँच गर्दा मुखमा लुकाएर ल्याउदैं गरेको खैरो हेरोइन प्लास्टिकसहित २ ग्राम ८५० मिलिग्राम (प्लास्टिकबाहेक २ ग्राम ३९० मिलिग्राम) फेला परेको नियन्त्रणमा लिएर इलाका प्रहरी कार्यालय काँकरभिट्टामा राखेर थप अनुसन्धान अघि बढाइएको जिल्ला प्रहरी कार्यालय झापाले जनाएको छ ।
