झापा, बाह्रदशी गाउँपालिकाले बुधवार स्थानीय विदा दिएको छ । सन्थाल समुदायको महान पर्व सोहरायको अवसरमा पालिकाले स्थानीय विदा दिएको हो । मंगलावार बसेको कार्यपालिकाको बैठकले वुधवार स्थानीय विदा दिने निर्णय गरेको गाउँपालिका अध्यक्ष देविन्द्रप्रसाद चम्लगाईले जानकारी दिए । 
माघ शुक्ल पूर्णिमाका दिन बाह्रदशी गाउँपालिका १ स्थित लक्ष्मीनारायण मन्दिरमा धार्मिक मेला समेत लाग्दै आएको छ ।
यता बिर्तामोड नगरपालिकाले माघ ३० गते बुधवार स्थानीय विदा दिइएको छ । सन्थाल समुदायको सोहराय पर्वको अवसरमा नगरपालिकाले स्थानीय विदा दिएको उपप्रमुख नगेन्द्र प्रसाद संग्रौलाले जानकारी दिए ।
बिर्तामोड नगरकार्यपालिकाको माघ २७ गतेको निर्णय अनुसार माघ ३० गते स्थानीय विदा दिइएको उपसचिव तीलचन भण्डारीद्वारा जारी सूचनामा उल्लेख छ । विदाका दिन बिर्तामोड नगर क्षेत्र भित्रका अत्यावस्यक सेवा वाहेक अन्य कार्यालय बन्द रहने बताइएको छ ।
