मोरङ,
मोरङमा कुकुरको टोकाइबाट एकजना वृद्धको मृत्यु भएको छ ।
मोरङ बेलबारी– १० स्थित १ न. चोकमा तत्काल नाम थर वतन बताउन नसक्ने अन्दाजी ६० वर्षीय वृद्धलाई छाडा कुकुरले दाहिने खुट्टाको पिँडुलामा टोकी घाइते बनाएको थियो ।
उनलाई प्रहरी चौकी डाँगीहाटबाट खटिएको प्रहरी टोलीले फेला पारी नगर अस्पताल बेलबारीमा ल्याई सामान्य उपचारपश्चात् थप उपचारको लागि कोशी अस्पताल विराटनगर पठाएको थियो ।
घाइतेलाई कोशी अस्पताल विराटनगर पुर्याउनसाथ चिकित्सकले चेकजाँच गर्दा मृत्यु भइसकेको थियो । मृतकको शव सोही अस्पतालमा रहेको प्रहरीले जनाएको छ ।
