झापा,
झापा गाउँपालिकामा पानीमा डुबेर एक बालकको मृत्यु भएको छ ।
घरअगाडिको खाल्डोमा डुबेर झापा गाउँपालिका-२ सडकवारि बस्ने दिनेश कँडेलका ३ वर्षीय छोरा दिवांस कँडेलको मृत्यु भएको हो ।
खेल्ने क्रममा पानीमा डुबेर सिकिस्त भएका बालकलाई उपचारका लागि बिर्ता सिटी अस्पताल बिर्तामोड ल्याइएकोमा उपचारका क्रममा मृत्यु भएको प्रहरीले जनाएको छ ।
घटनाबारे आवश्यक अनुसन्धान भइरहेको जनाइएको छ ।
