बिर्तामोड,
त्रिभुवन विश्व विद्यालय अन्तर्गत क्षेत्रीय परीक्षा नियन्त्रणको कार्यकक्षमा बिद्यार्थी संगठनले लगाएको ताला तीन महिना बित्दा समेत खुल्न सकेको छैन ।
जसका कारण कार्यालयको नियमित कामकाज प्रभावित भएको छ । कार्यालयको काम प्रभावित भएको यतिका समय बित्दा समेत तालाबन्दी खुलाउने विषयमा कुनै पहल नभएको बताइएको छ ।
मासिक ज्यालादारीमा कर्मचारी राख्ने बिषयमा असन्तुष्टि जनाउँदै तीन विद्यार्थी संगठनले गतवर्षको माघ २० गते परीक्षा नियन्त्रकको कार्यकक्षमा तालाबन्दी गरेका थिए । माघ २० गते अखिल क्रान्तिकारी र नेपाल विद्यार्थी संघको क्याम्पस इकाई समितिले तालाबन्दी गरेका थिए भने माघ २३ गते संघीय विद्यार्थी फोरमले पनि तालाबन्दी गरेको थियो । मासिक ज्यालादारीमा विभिन्न पदमा पाँच जना कर्मचारी राख्ने भन्दै क्षेत्रीय परीक्षा नियन्त्रणको कार्यालयले २०७० साउन ६ गते विज्ञापन प्रकाशित गरेको थियो । तर, कार्यालयमा कार्यरत केही कर्मचारीहरुले विधि र प्रक्रिया नपु¥याई आफन्तलाई नियुक्त गर्न लागेको भन्दै बिरोध जनाएपछि परीक्षा स्थगित भएको थियो ।
क्षेत्रीय परीक्षा नियन्त्रणको कार्यालयले विधि र प्रक्रिया नै नपु¥याई परीक्षा लिन लागेको भन्दै प्रतियोगी विद्यार्थी चन्द्रकला भट्टराईले विराटनगर उच्च अदालतमा मुद्दा दायर गरेकी थिइन् । सो मुद्दामा निवेदकको पक्षमा अदालतले फैसला गरेको थियो ।
त्यस यता क्षेत्रीय परीक्षा नियन्त्रणको कार्यालयले प्राध्यापक डा. सोम खतिवडाको संयोजकत्वमा पदपूर्ति समिति गठन गर्दै प्रक्रिया अघि बढाएको थियो । तर, क्षेत्रीय परीक्षा नियन्त्रणको कार्यालयले पुनः प्रक्रिया नपु¥याई परीक्षा लिन लागेको भन्दै सञ्जीव साहले उच्च अदालतमा मुद्दा दायर गरेका छन् । यता राष्ट्रिय विद्यार्थी संघका श्रीराम साह, अखिलका क्रान्तिकारीका टेकेन्द्र क्षेत्री, नेविसंघका बिक्रम श्रेष्ठ, समाजवादी बिद्यार्थी फोरम, नेपालका राकेश रोशन यादवले विज्ञप्ति जारी गर्दै परीक्षा नियन्त्रकको कार्याकक्षमा तालाबन्दी गरेका थिए ।
उनीहरुले जारी गरेको विज्ञप्तिमा क्षेत्रीय परीक्षा नियन्त्रणको कार्यालयका पदाधिकारीले आ–आफ्नो घरभित्रका व्यक्तिलाई नियुक्ति गर्ने उद्देश्य राखेर प्रक्रिया नपु¥याई त्रिवि सेवा आयोगलाई लत्याएको आरोप लगाएका छन् । त्रिवि नियम अनुसार लिखित र अन्तरवार्ता नलिई खाली प्रयोगात्मक परीक्षा लिएर पदपूर्ति गर्न खोजिएकाले कर्मचारी नियुक्ति प्रक्रिया तत्काल स्थगित गरी निर्णय नसच्याएसम्म क्षेत्रीय परीक्षा नियन्त्रकको कार्यकक्षामा लगाइएको ताल नखोल्ने जनाइएको छ । क्षेत्रीय परीक्षा नियन्त्रणको कार्यालयले भण्डारपाल एक, लेखापाल एक, कम्प्युटर अपरेटर दुई र सवारी चालक एक गरी पाँच जनाको दरवन्दी खुलाएको थियो । जसका ४९ जनाले आवेदन दिएका थिए ।
यता क्षेत्रीय परीक्षा नियन्त्रकले आफू अनुकूलका कर्मचारी नियुक्त गर्न कार्यालयमा कार्यरत कर्मचारीलाई विना कारण सरुवा गरेको आरोप लागेको छ । विद्यार्थी संगठनले सहायक परीक्षा नियन्त्रक अर्जुन बिक्रम खड्का, परीक्षा प्रमुख हरिप्रसाद दाहालकी श्रीमतीलाई फारम भराएर नियुक्त गर्न लागिएको आरोप लगाएका छन् । सहायक परीक्षा नियन्त्रक र परीक्षा प्रमुख दाहालकी श्रीमती नियुक्त गर्न पाँच वर्षपछि आफू अनुकूल नियुक्त गर्न दाहालकै श्रीमतीलाई मुद्दा हाल्न लगाइएको आरोप छ ।
उच्च अदालतमा परेको मुद्दा नियन्त्रक कार्यालयको नाममा र सहपरीक्षा नियन्त्रकको नाममा उच्च अदालतबाट पत्र आएको बताइएको छ । तर, मुद्दामा पटक–पटक वकिल राख्नुपर्छ भन्ने अदालतबाट जानकारी दिँदा समेत परीक्षा नियन्त्रक खड्काले वकिल नियुक्त नगरी मुद्दा हराइयो भनिएको छ ।
विद्यार्थी संगठनले कार्यालयकी सहायक कर्मचारी सरिता लुइँटेललाई विना कसुर धरान सरुवा गरिएको र त्रिविमा अधिकृतस्तरलाई ३ वर्ष र सहायकस्तरलाई ५ वर्षमा मात्रै सरुवा गर्ने प्रावधान हुँदा हुँदै लुइँटेललाई सरुवा गरिएको भनिएको छ । आफू अनुकूलका व्यक्ति भर्ना गर्न कर्मचारीलाई प्रावधान विपरीत सरुवा गरेपछि आफूहरुले कार्यालय प्रमुखको कार्यकक्षमा तालावन्दी गरेको विद्यार्थी नेता राकेश रोशन यादवले बताए ।
यता परीक्षा नियन्त्रक खड्काले भने विद्यार्थीसँग ताला खुलाउने विषयमा पहल गरिए पनि उनीहरुले नै चासो नदिएका कारण कार्यालयमा लागेको ताला खुल्न नसकेको बताए ।
