प्रेस विज्ञप्ति
बाह्रदशी गाउँपालिकाका प्रमुख प्रशासकीय अधिकृत अनियमितता गरेको आरोपमा निलम्वित भनी प्रकाशन भएका विभिन्न सञ्चार माध्यमका समाचारहरु, सामाजिक संञ्जालमा सार्वजनिक भएका भनाईहरु प्रति यस गाउँपालिकाको गम्भीर रुपमा ध्यानाकर्षण भएको छ । उक्त कार्य यस बाह्रदशी गाउँपालिका अन्तर्गतका कार्यक्रमहरुसंग सम्बन्धित नभएको र सो सम्बन्धमा विषय बस्तु प्रष्ट हुने गरी श्री अख्तियार दुरुपयोग अनुसन्धान आयोगबाट मिति २०७७।०३।३० मा जारी भएको प्रेस विज्ञप्तिमा उल्लेख भएकोले उक्त विज्ञप्ति अध्ययन गर्न सम्बन्धित सबैमा हार्दिकतापुर्वक अनुरोध छ । साथै बाह्रदशी गाउँपालिकाको नाम राखेर विभिन्न नाममा संचालन भै रहेका सामाजिक संजालहरु बन्द गरी संजाल संचालन गर्ने व्यक्तिको स्पष्ट परिचय खुल्ने गरि संचालन गर्नु हुन अनुरोध छ । अन्यथा प्रचलित कानुन भै जाने व्यहोरा समेत सम्बन्धित सबैमा जानकारी गराईन्छ ।
शम्भु सिंह राजवंशी
प्रवक्ता