चारपाने,फागुन १० । झापाको चारपानेमा आजबाट क्षेत्र नम्वर २ स्तरीय नकआउट फूटवल प्रतियोगिता शुरु भएको छ ।
नेपाल तरुणदल चारपानेको आयोजनामा प्रतियोगिता शुरु भएको हो । प्रतियोगिताको उद्घाटन नेपाली कांग्रेसका उपसभापति देउमान थेवेले गरे । फागुन १७ गतेसम्म सञ्चालन हुने प्रतियोगिताको उद्घाटन समारोहमा स्वागत याम भुजेलले गरेका थिए । नेपाल तरुणदल चारपानेका सभापति खड्गवहादुर लिम्वूको सभापतित्वमा भएको कार्यक्रममा तरुणदलका केन्द्रीय सदस्य मदन वुढाथोकी जलकुमार गुरुङ, मदन गोपाल शुव्वा लगायतले बोलेका थिए ।
आज शनिवार भएको उद्घाटन खेलमा गरामनीलाई ट्राइवेकरमा ३÷१ ले हराउँदै अनारमनी विजयी बनेको स्थानीय देवी काफ्लेले जानकारी दिएका छन् । भोलि आइतवार चन्द्रगढी र हल्दिवारी एक आपसमा भिड्ने बताइएको छ । प्रतियोगिताको विजयीले नगद ३५ हजार उप विजेताले २५ हजार र ट्रफी प्राप्त गर्ने बताइएको छ ।
विज्ञापन
