विराटनगर ।
मोरङको दुई छुट्टा छुट्टै स्थानबाट लागूऔषध ब्राउन सुगर र नियन्त्रित औषधीसहित दुई जनालाई प्रहरीले पक्राउ गरेको छ ।
पथरीशनिश्चरे नगरपालिका–७ का २८ बर्षीय ललित गुरुङ्ले आफ्नै घरमा लागूऔषध बेचबिखान गरिरहेको भन्ने बिशेष सुचनाको आधारमा इलाका प्रहरी कार्यालय पथरीबाट खटिएको प्रहरी टोलीले उनको घरखानतलासी गर्दा घर भित्र लुकाईछिपाई राखेको अवस्थामा ३ ग्राम ३ सय ५०मिलीग्राम ब्राउन सुगर फेला पारी उनलाई नियन्त्रणमा लिएको हो ।
त्यस्तै सीआरभी बाँसबारी मोरङबाट खटिएको प्रहरी टोलीले सुन्दरहरैँचा नगरपालिका–७ का २० बर्षीय रुपेश चौधरीलाई नियन्त्रित औषधी एभिल, डाइजेपाम र फेनारगन १७ एम्पुलसहित बुढिगंगा गाउँपालिका–२ गंगा चोकबाट पक्राउ गरेको हो ।
लागूऔषधसहित पक्राउ परेका उनीहरुको सम्बन्धमा थप अनुसन्धान भईरहेको कोशी प्रदेश प्रहरी कार्यालय विराटनगरले जनाएको छ ।
