कानेपोखरी,
कानेपोखरी गाउँपालिकाले ३४ औं अन्तर्राष्ट्रिय ज्येष्ठ नागरिक दिवसको अवसरमा ज्येष्ठ नागरिकलाई सम्मान गरेको छ ।
पालिकाको प्राङ्गणमा आयोजित कार्यक्रममा एक सय बढी ज्येष्ठ नागरिकहरूलाई सम्मान गरिएको हो । सम्मानित बुढयौलीः विश्वव्यापी रुपमा स्याहार तथा सहयोग पद्धतिको सवलीकरण भन्ने मुल नाराका साथ सो दिवस भव्य मनाएको हो ।
गाउँपालिका अध्यक्ष राजमती इङ्नाम, उपाध्यक्ष भोलाप्रसाद अधिकारी, वडा अध्यक्ष, कार्यपालिका सदस्य,गाउँ सभा सदस्यहरुको उपस्थितिमा ज्येष्ठ नागरिकलाई राधे ओडाई लौरो,छाता,फ्रुटी र पाँच सय रुपैयाँ नगद सहित सम्मान प्रकट गरिएको थियो ।
दिवसको अवसरमा शुभकामना व्यक्त गर्दै गाउँपालिका अध्यक्ष राजमती इङ्नामले ज्येष्ठ नागरिक जिउँदो भगवान भएकाले आज मात्र नभइ हरेक दिन सम्मान गर्नु पर्ने बताए ।
