पथरी ।
मोरङको पथरी शनिश्चरे– १० को डाँस मोरङ्गी गंगा आर्यघाटमा पथरी जेसीजले सरसफाई गरेको छ। सोमबार पथरी जेसिसद्वारा आफ्नो जेसीज सप्ताहको दोस्रो कार्यक्रम अन्तर्गत स्थानमा सरसफाई गरेको हो।
सरसफाई कार्यक्रमका प्रमुख अतिथि पथरिशनिश्चरे वडा नं १० का वडा अध्यक्ष जीवनकुमार खतिवडाले आर्यघाटमा सचेतनामूलक बोर्ड र केही डस्टबिनको व्यवस्थापन गर्ने प्रतिबद्धता जनाउनुभयो ।
पथरी जेसीजका अध्यक्ष राजकुमार विश्वकर्माको अध्यक्षतामा सम्पन्न सो कार्यक्रममा पथरी जेसीजकी महासचिव निर्मला भट्टराई, कार्यकारणी उपाध्यक्ष तथा जेसीज सप्ताह कार्यक्रमका मुल संयोजक नगेन्द्र घिमिरे, घाट कार्यक्रम संयोजक सागर थापा, सशस्त्र प्रहरी वल (बेस क्याम्प) पथरी शनिश्चरेका प्रमुख प्रहरी नायब निरीक्षक पुण्यप्रसाद बिमली, सशस्त्र प्रहरी जवानहरू र पशुपति सामुदायिक वनका वनरक्षकहरू लगायतको उपस्थितिमा मलामी घाट, मलामी खाजाघर तथा आसपासमा जथाभावी फालिएको प्लास्टिकजन्य फोहरहरू संकलन गरी व्यवस्थापन गरिएको थियो।
