कमल ।
कमल गाउँपालिकामा अन्तर वडा स्तरीय बुद्धिचाल प्रतियोगिता सम्पन्न भएको छ ।
कमल गाउँपालिका खेलकुद विकास समितिको आयोजनामा सन्चालित बुद्धिचाल प्रतियोगिताको कमल गाउँपालिकाका अध्यक्ष हुकुमसिंह राईले निर्यायक लाई चेस वोर्ड प्रदान गरी उद्घाटन गर्नु भएको थियो ।
कमल गाउँपालिकाले पछिल्लो समय खेलकुदका क्षेत्रमा धेरै काम गरिरहेको छ । फुटवल , भलिवल र क्रिकेटका अलावा यस्ता प्रतियोगिताले खेलाडी थप शसक्त बनाउदै अगाडी बढ्न सहयोग पुग्ने कमल गाउँपालिकाका अध्यक्ष हुकुमसिंह राईले बताउनु भयो ।
कमल गाउँपालिका ४ स्थित होटल ल्यान्डको सभाहलमा सम्पन्न प्रतियोगितामा कमल गाउँपालिकाका २० जना युवा सहभागी रहेका थिए ।
प्रतियोगीतामा सहभागी मध्ये वडा नम्बर ७ का समिर भण्डारी प्रथम हुनु भएको छ । उहाँले नगद ८ हजार रुपैयाका साथ ट्रफि र प्रमाणपत्र प्राप्त गर्नु भएको छ भने वडा नम्वर ४ का गंगाराम गहतराज द्वितिय हुनु भएको छ ।
उहँले नगद ५ हजारका साथै ट्रफि र प्रमाणपत्र प्राप्त गर्नु भएको कमल गाउँपालिका खेलकुद विकास समितिका संयोज सन्तकुमार मगरले जानकारी दिनुभयो ।
