झापा।
लोकप्रिय नायिका तथा मोडल उपासना नेम्वाङ र इन्द्रहाङ लिङ्देनद्वारा अभिनित ‘तिमी गीत जीन्दगीको’ म्युजिक भिडियो सार्वजनिक भएको छ ।
गीतकार पवन चाम्लिङ ‘किरण’को शब्द तथा संगीतकार बिबी अनुरागीको संगीतमा राजेश पायल राई र अञ्जु पन्तको स्वर रहेको गीत ‘तिमी गीत जीन्दगीको’ भिडियो ओएसआर डिजिटल युट्यूव च्यानलबाट सार्वजनिक भएको हो ।
कमल राईको निर्देशन तथा कोरियोग्राफीमा प्रेम र रोमान्सलाई प्रस्तुत गरिएको भिडियोमा सुमित गुरुङको सहायक कोरियोग्राफी, शिव ढकालको डिओपी, मनोज लामाको मेकअप, मनोज कार्कीको सम्पादन रहेको छ ।
प्रिज्म स्टुडियोमा रेकर्डिङ भएको गीतकोे मिक्सिङ तथा मास्टरिङ श्याम श्वेत रसाइलीको रहेको छ । भिडियोमा लुमीनस पोष्ट वर्कस्को पोष्ट प्रडक्शन रहेको बताइएको छ ।
