इस्लामावाद,
पाकिस्तानमा आतंकवादी हमला भएको छ । आत्मघाती बम विष्फोटमा पाँच चिनियाँ नागरिकको मृत्यु भएको छ । आक्रमणपछि पाकिस्तानी प्रधानमन्त्री शाहबाज सरिफ भागेर चिनियाँ दूतावास पुगेका छन् । यो आत्मघाती हमला उत्तरपश्चिम पाकिस्तानको खैबर पख्तुनख्वा प्रान्तको बेशाम सहर नजिक भएको हो ।
आतंकवादीले विस्फोटक पदार्थले भरिएको गाडीलाई चिनियाँ नागरिकको समुह नजिकै विस्फोट गराएको थियो । जसमा पाँच चिनियाँ नागरिकसहित एक पाकिस्तानी चालकको मृत्यु भएको छ । इस्लामावादबाट सबै चिनियाँ इन्जिनियरहरू दासु जाँदै थिए।
पाकिस्तानले चीनसँगको मित्रता हिमालयभन्दा अग्लो र समुद्रभन्दा गहिरो भएको भन्दै आएको छ । पाकिस्तानले चीनलाई आफ्नो आइरन ब्रदर भन्छ, तर दुईबीचको मित्रतामा पाकिस्तान चीनको अगाडि झुकेको प्रष्ट देखिन्छ । यस हमलापछि पाकिस्तानी प्रधानमन्त्री शाहबाजले क्याबिनेटसँग चिनियाँ दूतावासको भ्रमण गर्दा यो कुरा स्पष्ट देखिन्छ। कूटनीतिक सम्बन्धमा प्रधानमन्त्रीले कुनै पनि देशको दूतावास जाँदा सामान्यतः देखिँदैन । यस्तो घटना भए पनि मन्त्री दूतावास जान्छ । वा राजदूत पनि बोलाउन सकिन्छ।
शाहबाज तनावग्रस्त देखिन्थे
यसका लागि पाकिस्तानले आफ्नो सुरक्षाको दाबी गर्दै आएको छ । पाँच चिनियाँ इन्जिनियरको मृत्युले फेरि चिनलाई रिस उठाउन सक्छ। शाहबाज दूतावास पुगेको भिडियो सार्वजनिक भएको छ । जसमा उनको अनुहारमा तनाव प्रष्ट देखिन्छ । यसबाहेक उनले चिनियाँ राजदूतसँग जसरी कुरा गरिरहेका छन्, त्यसले चीनलाई रिस उठाउन चाहेको होइन भन्ने देखिन्छ । शाहबाजभन्दा अगाडि पाकिस्तानी गृहमन्त्री मोहसिन नक्वी पनि चिनियाँ दूतावास पुगेका छन् ।
