झापा।
झापाको बाह्रदशीबाट सात जना जुवाडे पक्राउ परेका छन् ।
तास खेलिरहेको अवस्थामा १४ बुङ तास र नगद ८४ हजारसहित सात जना जुवाडे झापाको बाह्रदशीबाट पक्राउ परेका हुन् । बाह्रदशी गाउँपालिका–५ फुलबारी बस्ने बर्ष अन्दाजी ४२ का धर्मेन्द्र साहको घरमा तास खेलिरहेको गोप्य सूचनाको आधारमा इलाका प्रहरी कार्यालय बिर्तामोडबाट खटिएको प्रहरी टोलीले छापा मारेको थियो ।
पक्राउ पर्नेहरुमा बाह्रदशी गाउँपालिका–५ का घरधनी धर्मेन्द्र साह ,वडा नं ४ बस्ने अन्दाजी बर्ष ३९ का भुजकर आलम ,वडा नं ५ बस्ने अन्दाजी बर्ष ४५ का तजयमुल हुसेन ,वडा नं ४ बस्ने अन्दाजी बर्ष ३६ का भोला सहनी , सोही ठाउँ बस्ने अन्दाजी बर्ष ३९ का कमल देबनाथ गणेश , हल्दिबारी गाउँपालिका–१ बस्ने अन्दाजी बर्ष ३४ का सरल राई र सोही ठाउँ बस्ने अन्दाजी बर्ष ५७ का जगदिश चौधरी रहेका छन् ।
उनीहरुको साथबाट नगद ८४ हजार ६७० रुपैयाँ , तीन थान मोबाइल फोन र १४ बुङ ताससहित जुवाडे पक्राउ परेका हुन् । उनीहरुलाई नियन्त्रणमा लिएर इलाका प्रहरी कार्यालय बिर्तामोडमा राखिएको जिल्ला प्रहरी कार्यालयले जनाएको छ ।
