पथरीशनिश्चरे ।
मोरङको पथरीशनिश्चरेमा भएको सवारी दुर्घटनामा दुई जनाको मृत्यु भएको छ ।
दुर्घटनामा परी मोटरसाइकलमा सवार पथरीशनिश्चरे–७ का १८ वर्षीय निश्चल आङदम्बे र पथरीशनिश्चरे–२ का ४८ वर्षिय प्रितम गौतमको मृत्यु भएको छ ।
दुर्घटनामा परी गम्भीर घाइते भएका उनीहरुलाई तत्काल उपचारका लागि उर्लाबारी ३ मंगलबारेस्थित मदन भण्डारी अस्पताल तथा ट्रमा सेन्टर लगिएको थियो । शरीरको विभिन्न भागमा चोट लागि गम्भिर घाईते भएका दुवै जनाको उपचारकै क्रममा मंगलबारे अस्पतालमा दिउसो करिव ३ः२० बजे मृत्यु भएको प्रहरीले जनाएको छ ।
दुर्घटनालगत्तै टिप्पर र चालक मोरङको सुन्दरहरैँचा नगरपालिका वडा नम्बर ६ का ३५ वर्षीय सुरेश राईलाई नियन्त्रणमा लिएर अनुसन्धान सुरु गरिएको पथरी प्रहरीले जनाएको छ। उक्त टिप्पर निर्माणाधीन पूर्व–पश्चिम राजमार्गमा निर्माण सामग्री ओसारपसारका लागि प्रयोग भैरहेको प्रहरीले जनाएको छ ।
