झापा, भद्रौ २१ । मोरङको पथरीशनिश्चरे र झापाको दमकमा सोमबार साँझ भएको छुट्टा छुट्टै सवारी दुर्घटनामा परी २२ जना घाइते भएका छन्। पथरी(शनिश्चरे नगरापालिका(९ मा सोमबार राती को. ७ प २५८४ नम्बरको मोटरसाइकल अनियन्त्रित भई दुर्घटना हुँदा मोटरसाइकलमा सवार मोरङ इन्द्रपुर– ५ का २७ वर्षीय कमल राई र पथरीशनिश्चरे(१ का १९ वर्षिय अजय धिमाल घाइते भएका छन्। घाइते दुबैलाई उपचारकालागि न्युरो अस्पताल बिराटनगर ल्याइएको छ।
त्यसैगरी झापाको दमक ८ बेतनी खोलाको पुलमा सोमबार अपरान्ह २ बजेतिर पश्चिमतर्फ जादै गरेको को.१ ख ३८१४ नम्बरको बस र बिपरीत दिशा बाट आउदै गरेको ना.१ क १३१० नम्बरको ट्रक एकआपसमा ठोक्किंदा बसमा सवार २० जना सामान्य घाइते भएका छन्। घाइते सबैलाई दमकस्थित लाईफ लाईन अस्पताल र्पुयाई उपचार गराइएको छ। दुर्घटना पश्चात बसका चालक फरार भएका छन भने ट्रकसहित चालकलाई इलाका प्रहरी कार्यालय दमकले नियन्त्रणमा लिई अनुसन्धान भइरहेको छ।
विज्ञापन
