एसईईकाे परीक्षाफल प्रकाशित

२ भाद्र २०७७, मंगलवार मा प्रकाशित

काठमाण्डौ,

राष्ट्रिय परीक्षा बोर्डले माध्यमिक शिक्षा परीक्षा एसईईको परीक्षाफल सोमबार साँझ प्रकाशित गरेको छ ।

यस वर्ष कुल चार लाख ८२ हजार नौ सय ६ जना विद्यार्थीले परीक्षको लागि आवेदन भरेकोमा चार लाख ७२ हजार ७८ जनाको मात्रै नतिजा आएको परीक्षा नियन्त्रण कार्यालयले जनाएको छ ।

एसईईको नतिजा टेलिफोन, एसएमएस र वेबसाइटमार्फत हेर्न सकिनेछ । कक्षा १० को विद्यालय मूल्याङ्कन, नतिजा प्रकाशन तथा प्रमाणीकरण कार्यविधि २०७७ स्वीकृत गरी त्यही कार्यविधिका आधारमा शिक्षा विकास तथा समन्वय इकाइबाट प्रमाणित भइ आएको विद्यार्थीहरुको प्राप्ताङ्कलाई सङ्कलन, रुजु र ग्रेडिङ गरी नतिजा प्रकाशित गरिएको कार्यालयले जनाएको छ ।

गएको चैत ६ गतेका लागि निर्धारण गरिएको एसईई परीक्षा कोभिड–१९ कारण अन्तिम समयमा स्थगित भएपछि विद्यालयले गरेको आन्तरिक मूल्याङ्कनको आधारमा नतिजा सार्वजनिक भएको हो ।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here