यो साता संसारभर खिचिएका केही शक्तिशाली समाचार तस्बिरहरू
तस्बिर स्रोत,UMIT BEKTAS / REUTERS
तस्बिरको क्याप्शन,आफ्नो कारको छतमा हाँसहरू राखेर गान्जा शहरतर्फ लग्दै गरेका एक व्यक्ति। अजरबैजानको दोस्रो ठूलो शहर गान्जामा अर्मेनिया र अजरबैजानबीच उत्पन्न द्वन्द्वका कारण यो हप्ताको शुरूतिर एउटा क्षेप्यास्त्र खस्दा कम्तीमा १२ जनाको ज्यान गएको थियो।
तस्बिर स्रोत,TOBY MELVILLE / REUTERS
तस्बिरको क्याप्शन,मेजर माइक भनेर पनि चिनिने अवकाशप्राप्त सैनिक माइकल स्ट्यानली, घरमा बनाएको टिनट्यानिक डुङ्गा खियाउँदै। उनले चिचेस्टरस्थित विल्फ्रेड हस्पाइसका लागि सहयोग रकम उठाउन एउटा नहरमा यो डुङ्गा चलाएका हुन्।
तस्बिर स्रोत,MIKE SEGAR / REUTERS
तस्बिरको क्याप्शन,टेनेसीस्थित बेलमन्ट विश्वविद्यालयमा राष्ट्रपति डोनल्ड ट्रम्प र डेमोक्र्याटिक पार्टीका राष्ट्रपतिय उम्मेदवार जो बाइडनको दोस्रो बहसका बेला टीभी क्यामेरा क्रु रोक्न राखिएको शिशामा देखिएको प्रतिविम्ब।
तस्बिर स्रोत,GEORGI LICOVSKI /EPA
तस्बिरको क्याप्शन,पुरुष ह्यान्डबल इएचएफ च्याम्पियन्स लीगमा पोर्टोका एन्ड्रे गोमेसको प्रहार। रिपब्लिक अफ नर्थ म्यासेडोनियामा भएको खेलमा पोर्चुगलका खेलाडीहरूले यो सिजनको पहिलो जित हात पारेका थिए।
तस्बिर स्रोत,RULA ROHANA / REUTERS
तस्बिरको क्याप्शन,दुबइको द पोइन्ट अन पाम जुमेराहस्थित नयाँ पानीको फोहरा, यसले अहिलेसम्मकै सबभन्दा ठूलो फोहराको रेकर्ड बनाएको छ। यो पानी दृष्यमा ३ हजार किसिमका रङयुक्त प्रकाश जडान गरिएको छ। पानी हावामा १०५ मीटर माथिसम्म पुर्याइएको छ।
तस्बिर स्रोत,KAI PFAFFENBACH / REUTERS
तस्बिरको क्याप्शन,फ्र्याङकफर्ट जर्मनीस्थित युरोपियन सेन्ट्रल ब्याङ्क अगाडि प्रदर्शनकारीले खनिज ऊर्जा उद्योग विरुद्ध कागजको पृथ्वी बनाएर जलाएपछि आगो निभाउने प्रयत्न गरिँदै।
तस्बिर स्रोत,YOAN VALATA/ EPA
तस्बिरको क्याप्शन,फ्रान्सका राष्ट्रपति एम्यानुअल म्याक्रोँले स्यामुअल प्याटी को सम्झनामा आयोजना गरेको कार्यक्रममा सम्मान प्रकट गर्न जम्मा भएका मानिसहरू। यी ४७ वर्षीय शिक्षकले विद्यालयमा पैगम्बर मोहम्मदको कार्टून आफ्ना विद्यार्थीहरूलाई देखाएपछि विद्यालय नजिकै हिँडिरहेका बेला उनको हत्या गरिएको थियो।
तस्बिर स्रोत,TIKSA NEGERI / REUTERS
तस्बिरको क्याप्शन,जवाहा, इथियोपियामा आफूले लगाएको बाली र उखु खेती खान आएका सलहको झुण्ड भगाउँदै जेमल अहमद।
तस्बिर स्रोत,JAMES ROSS / EPA
तस्बिरको क्याप्शन,मेलबोर्न, अस्ट्रेलियामा कोरोनाभाइरसका कारण बन्द गरिएको डुङ्गा शयर ‘अर्बन सर्फ’ पुन: खोलिएको छ।
तस्बिर स्रोत,SIMON DAWSON / REUTERS
तस्बिरको क्याप्शन,डाउनिङ स्ट्रीट लण्डनमा हाई गर्दै ल्यारी बिरालो। ब्याटरसी क्याट्स एन्ड डग्स होमले उद्धार गरेको बेवारिसे बिरालोलाई अहिले यहाँ ‘चीफ माउसर’ भन्ने गरिन्छ। bbc nepali news
