बिर्तामोड।
गायन प्रतिभाहरुको खोजी गर्ने उद्देश्यले हिमालय टेलिभिजनबाट प्रसारण भइरहेको रियालिटी सो ‘द भ्वाइस अफ नेपाल सिजन २’ को टप १२ मा झापाका तीन जना प्रतियोगी पर्न सफल भएका छन् ।
झापा बिर्तामोडका राम लिम्बू, गौरादहका बलबहादुर राजवंशी र अर्जुनधाराका विकास लिम्बू आफूलाई अब्बल सावित गर्दै लाईभ राउण्डको टप १२ मा पर्न सफल भएका हुन् । लाइभ राउण्ड अर्थात् भोटिङमा पुगेपछि झापाका यी तिन प्रतिस्पर्धीहरु आफ्नो राम्रो प्रस्तुति दिएर दर्शकको भोट आफुतिर तान्ने कसरत गरिरहेका छन् भने कोचहरु पनि आफ्नो टीमले ताज जितोस् भन्ने होडबाजीमा छन् । उनीहरुलाई प्रतियोगितामा विजयी बनाउन झापामा भोट गरिदिनको लागि अभियान नै सञ्चालन गरिएको छ ।
यसैबीच झापा बिर्तामोडका राम लिम्बूलाई प्रतियोगितामा विजयी बनाउन राम लिम्बू जिताऔं अभियान सञ्चालन गरिएको छ । कोच प्रमोद खरेलको समूहमा परेका उनी आफ्नो लोभलाग्दो गायन कलाले दर्शकको मन जित्दै टप १२ सम्म पर्न सफल भएका हुन् । विगत पाँच बर्षदेखि सांगीतिक क्षेत्रमा सक्रिय नेपालीसीयन ब्याण्डका भोकलिस्ट समेत रहेका उनी पूर्वबाट रियालिटी सोहरुमा सफलता पाउन नसकिरहेका अवस्थामा आफूले दर्शकको भरपुर साथ सहयोग पाउनेमा ढुक्क छन् ।
रामलाई जिताउनका लागि आशिष बुढाथोकीको संयोजकत्वमा राम लिम्बू जिताऔं अभियान समिति गठन गरिएको छ । समितिको सहसंयोजकमा अनिष सुवेदी, सचिवमा बाप्पा साह, कोषाध्यक्षमा सुमन गुरुङ रहेका छन् । त्यस्तै सदस्यहरुमा आकाश उप्रेती, भरत राई, बेनु गुरुङ, रमेश गुरुङ, सुमन खत्री, इशान ओली, प्रविन गुरुङ रहेका छन् । त्यसैगरी सल्लाहकारमा प्रकाश लिङ्देन, आशिष बन, मनोज बुढाथोकी, समिर राई, कैलास प्रसाई लगायत रहेका छन् ।
रामलाई भोटिङका लागि धरान, इटहरी, विराटनगर, दमक, बिर्तामोड, भद्रपुर, इलाम, पाँचथर, ताप्लेजुङ लगायतका स्थानमा प्रचार–प्रसार तीव्र पारिएको अभियान अभियान संयोजक आशिष बुढाथोकीले जानकारी दिए । उनलाई भोट गर्नका लागि म्यासेज बक्समा गएर ०८ टाइप गरी नेपालबाट ३७००० नम्बरमा एसएमएस पठाउनु पर्नेछ । त्यस्तै कतारबाट भोट गर्दा म्यासेज बक्समा ०८ टाइप गरी ९२३०० नम्बरमा एसएमएस पठाउनु पर्नेछ । त्यसैगरी इण्डियाबाट भोट गर्नलाई म्यासेजमा ०८ टाइप गरी ५३०१० मा एसएमएस पठाउनु पर्नेछ भने प्रभु पे एप्स डाउनलोड गरी अनलाइनबाट पनि बिश्वभरबाट भोट गर्न सकिने छ ।
त्यस्तै झापा गौरादहका गायक बलबहादुर राजवंशी लाइभ राउण्डमा प्रवेश गरेका छन् । कोच प्रमोद खरेलको समूहमा परेका उनी आफूले प्रतियोगिता जित्ने दाबी गर्छन् ।
गायक बलबहादुरलाई विजयी बनाउन कोचिला गाभुर फ्रन्टले भोटिङ अभियान सञ्चालन गरेको छ । कोचिला गाभुर फ्रन्टले झापाका १५ वटै स्थानीय तहसहित २२ वटा उपसमितिले आ–आफ्नो क्षेत्रबाट प्रचारप्रसार गर्दै भोटिङ गर्न अभियान सञ्चालन गरिएको कोचिला गाभुर फ्रन्टका केन्द्रीय अध्यक्ष अभय राजवंशीले जानकारी दिए ।
गायक बलबहादुरलाई विजयी बनाउन नेपालबाट म्यासेज बक्स गएर ०३ टाइप गरी ३७००० नम्बरमा एसएमएस पठाउनु पर्नेछ । त्यस्तै कतारबाट भोट गर्दा म्यासेज बक्समा ०३ टाईप गरि ९२३०० नम्बरमा एसएमएस पठाउनु पर्नेछ । त्यसैगरी इण्डियाबाट भोट गर्नलाई म्यासेजमा ०३ टाइप गरी ५३०१० मा एसएमएस पठाउनु पर्नेछ भने प्रभु पे एप्स डाउनलोड गरि अनलाइनबाट पनि बिश्वभरबाट भोट गर्न सकिने छ ।
त्यस्तै अर्जुनधाराका विकास लिम्बू टप १२ अर्थात् भोटिङमा पर्न सफल भएका छन् । कोच दीपले विकासलाई लाईभ अथवा भोटिङ राउण्डमा लाने निर्णय गरेपछि विकासले लाइभ राउण्डमा पनि आफ्नो दमदार प्रस्तुति दिइसकेका छन् । आफ्नो प्रस्तुतिले गर्दा उनी प्रतियोगिता जित्ने दाबी गर्छन् । अहिले उनी भोटिङ राउण्डमा पुगेपछि सम्पूर्ण दर्शकमाझ भोट गरिदिनको लागि उनले अपिल गरेका छन् । उनलाई भोट गर्नको लागि मोबाइलको मेसेज बक्समा गएर ०४ टाइप गरी नेपालबाट ३७००० नम्बरमा एसएमएस पठाउनु पर्नेछ ।
बिदेशबाट पनि एसएमएस मार्फत भोट गर्न सकिने छ । जस अन्तर्गत कतारबाट भोट गर्दा म्यासेज बक्समा ०४ टाइप गरि ९२३०० नम्बरमा एसएमएस पठाउनु पर्नेछ । त्यसैगरी इण्डियाबाट भोट गर्नलाई म्यासेजमा ०४ टाइप गरी ५३०१० मा एसएमएस पठाउनु पर्नेछ भने प्रभु पे एप्स डाउनलोड गरी अनलाइनबाट पनि बिश्वभरबाट भोट गर्न सकिने छ । कार्यक्रम हिमालयन टेलिभिजनबाट शुक्रबार र शनिबार प्रशारण हुँदै आइरहेको छ । गत शुक्रबारबाट शुरु भएको भोटिङ आगामी शुक्रबार बेलुकासम्म मात्र रहनेछ । प्रस्तुतिः तुलसीप्रसाद निरौला
