झापा ।
झापाको बिर्तामोडका युवा ब्यवसायी एवम् गीतकार चुडामणि पौड्यालले नयाँ गीत सार्वजनिक गरेका छन् ।
विश्व कोरोना भाईरसको महामारीसंग लडिरहेका बेला परदेशमा रहेका नेपालीहरुको पीडालाई समेटेर पौड्यालले नयाँ गीत ‘परदेशी मायालु’सार्वजनिक गरेका हुन् ।
यतिबेला नेपाल लगायत विश्वका सबै देशहरु लकडाउनमा छन् । यहि अवस्थालाई मध्यनजर गर्दै नयाँ गीत बजारमा ल्याएको गीतकार तथा गायक पौड्यालले बताए । पौड्यालको शव्द,स्वर तथा सन्तोष शिवाको संगीतमा रहेको गीत बुधवार ‘सेल्फी टिभी’मार्फत सार्वजनिक गरीएको हो । यो गीतले स्वास्थ्य प्रति सचेत रहन सन्देश दिएको पौड्यालले बताए ।
गीतकार पौड्यालको ‘अट्टो रिक्सामा’लगायत दर्जनौ गीतहरु बजारमा छन् ।
