झापा ।
झापाको मेचीनर नगरपालिका–१३ चारआलीमा ट्रकको ठक्करबाट एक जना पैदल यात्रीको मृत्यु भएको छ ।
प्रदेश १–०१–००१ ख ३८४८ नम्बरको ट्रकले पैदल यात्री ७० बर्षीय जगतमान साँवालाई ठक्कर दिँदा घाईते भएका साँवाको उपचारको क्रममा बीएण्डसी अस्पताल बिर्तामोडमा मृत्यु भएको हो ।
दुर्घटनामा संलग्न रहेको ट्रक र चालक पाँचथर हिलिहाङका ३६ बर्षीय नरेन्द्रकुमार अधिकारीलाई इलाका प्रहरी कार्यालय धुलाबारीले नियन्त्रणमा लिई थप अनुसन्धान गरिरहेको बताइएको छ ।
