काठमाडौ ।
आमउपभोक्ताले भोग्नुपरेकोे कालोबजारी, भ्रष्टाचार, कुुशासन, गुणस्तरहिन÷अखाद्य बस्तु तथा सेवाका विरुद्ध उपभोक्ता हकहितका लागि जनस्तरको खवरदारी गर्ने र सुशासन कायम गर्ने कार्य गदै आएको नेपाली उपभोत्ता संरक्षण महासंघले तत्काल अधिकार सम्पन्न अनुगमन समिति गठन गर्न माग गरेको छ ।
विश्व उपभोक्ता अधिकार दिवसको अवसरमा काठमाडौंको राष्ट्रिय सभागृहमा आयोजित कार्यक्रममा बोल्दै नेपाली उपभोक्ता संरक्षण महासंघका अध्यक्ष चन्द्र साउदले सरकारी अनुगमन समितिको प्रभावकारीतामा प्रश्न उठाए । उनले अधिकारसम्पन्न अनुगमन समिति गठन हुनुपर्ने र उपभोक्ताहरुको अलग्गै मन्त्रालय गठन हुनुपर्ने धारणा राखे ।
अध्यक्ष साउदेले उपभोक्ताका आठ अधिकारमा सुरक्षा, सूचित, छनोट, सुनुवाइ, उपभोक्ता शिक्षा, क्षतिपूर्ति, आधारभूत आवश्यकतामा पहुँच र स्वच्छ तथा स्वस्थ वातावरण लगायतको कार्यमा सरकार र सम्बन्धीत निकाय शशक्त रुपमा लाग्न नसकेको छुटै उपभोक्ताहरुको अलग्गै मन्त्रालय गठन गर्न माग गरे ।
नेपाली उपभोता संरक्षण महासंघका प्रवत्ता लुमडी कार्कीले नेपालको कालोबाजारी, भ्रष्टाचार, गुणस्तरहिन् अखाद्य–बिषादी बस्तुको निर्मुलिकरण गरी सर्ब–साधारणको चुलोमा स्वस्थ खाना र जीवनमा स्वस्थता ल्याउन महासंघ लागिपरेको बताए ।
उद्योग वाणिज्य तथा आपूर्ति मन्त्रालयको आयोजना र काठमाडौं महानगरपालिकाको व्यवस्थापनमा भएको कार्यक्रममा मुख्य सचिव मधुसुधन मरासैनि, काठमाडौं महानगरपालिकाकी उपप्रमुख सुनिता डंगोल, विभिन्न मन्त्रालयका सचिव, उपभोक्ता अधिकारकर्मी लगायत सहभागी रहेको थियो ।
विश्व उपभोक्ता अधिकार दिवस वर्सेनि मार्च १५ तारिखका दिन मनाउने गरिन्छ ।