पथरिशनिश्चरे,
मोरङको पथरी शनिश्चरे – २ को रेडस्टार माध्यमिक विद्यालयका विद्यार्थीहरूले बिशेष कार्यक्रमको आयोजना गर्दै बाल दिवस मनाएका छन् ।
शुक्रबार ६० औं बाल दिवसको अघिल्लो दिन नै विभिन्न कार्यक्रमहरूको आयोजना गर्दै उनीहरूले आ- आफ्नो कविता, गीत गायन , नृत्य, लगायतका प्रतिभाहरू प्रस्तुत गरेका हुन्।
स्कूल क्याप्टेन आराध्य खड्काको अध्यक्षता तथा रेडस्टार माध्यमिक विद्यालयका निर्देशक तथा प्रिन्सिपल टि एन तिम्सिनाको प्रमुख आतिथ्यतामा आयोजित सो बाल विशेष कार्यक्रममा विद्यालयका संस्थापक राजु तिमिल्सिना, विजय डाँगी, सहायक प्रिन्सिपल बसन्त मादेन, शिक्षक शिक्षिकाहरू समेत लगायतको उपस्थिति रहेको थियो। कक्षा ४ देखि १० सम्मका विद्यार्थीहरुले तहगत प्रस्तुतिहरू दिएको सो कार्यक्रममा विद्यार्थीहरुका विभिन्न जोडीले संचालन गरेका थिए।
