ज्ञान मार्ग लोकार्पित

३२ जेष्ठ २०७६, शनिबार मा प्रकाशित

बिर्तामोड।

पूर्वी नेपालका सामाजिक तथा आध्यात्मिक अभियन्ताको परिचय बनाएका प्रेमप्रकाश फलाहारीद्वारा लिखित पौराणिक आख्यानको अनुवाद ज्ञान मार्ग कृतिको एक समारोहकाबीच लोकार्पण गरिएको छ ।

प्रा.डा. गोपाल भण्डारीको प्रमुख आतिथ्यमा त्रिफला राष्ट्रिय पुस्तकालयमा आयोजित एक कार्यक्रमकाबीच कथानुवाद कृति ज्ञान मार्गको लोकार्पण गरिएको हो ।

स्वर्गाश्रम नेपालको २२ औं स्थापना दिवसको अवसरमा आयोजित कार्यक्रममा प्रमुख अतिथि भण्डारीले उक्त कृतिको लोकार्पण गरेका थिए । स्वर्गाश्रम नेपालका अध्यक्ष टेकनाथ घिमिरेको अध्यक्षतामा सञ्चालन भएको समारोहमा साहित्यकार केशवराज खनालले कृतिको समीक्षा गरेका थिए ।

पौराणिक कथाहरुलाई नेपालीमा अनुवाद गरिएको उक्त कृतिको परिचय साहित्यकार कोमलप्रसाद पोखरेलले दिएका थिए भने स्वागत सर्जक फलाहारीले गरेका थिए । सोही अवसरमा जिल्लाका विभिन्न पालिकाहरुमा रहेको भजन, कीर्तन मण्डलीकाबीच प्रतियोगितात्मक भजन गायन भएको थियो ।

फलाहारीको ७० औं जन्मोत्सवका दिन लोकार्पित कृति ज्ञान मार्ग उनको तेस्रो कृति हो । सोही कार्यक्रमकाबीच स्वर्गाश्रम नेपालले चार फरक–फरक विधामा सम्मान वितरण गरेको थियो ।

हरिप्रसाद न्यौपानेले सञ्चालन गरेको कार्यक्रममा संरक्षक सम्मान शंकर अधिकारीलाई, राष्ट्रिय धर्म प्रचारिका सम्मान दयामाता राजवंशीलाई, धर्माचार्य सम्मान धनपति भट्टराईलाई र फलाहारी बाबा धार्मिक सेवा सम्मान रामप्रसाद मैनालीलाई प्रदान गरिएको थियो ।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here