बिर्तामोड।
प्रधानमन्त्री रोजगार कार्यक्रम अन्तरगत बिर्तामोड नगरमा १८९ जनाले रोजगारी पाउने भएका छन् ।
सो कार्यक्रम संयोजक होमनाथ भट्टराईका अनुसार बिर्तामोड नगरपालिकामा विहीवार आयोजित एक कार्यक्रमकाबीच बेरोजगारहरुलाई रोजगारीका लागि अभिमुखीकरण गरियो ।
सो क्रममा बोल्दै नगरप्रमुख ध्रुवकुमार शिबाकोटीले सरकारले ल्याएको नयाँ कार्यक्रमले बेरोजगारलाई रोजगार मात्र बनाउने नभई आफ्नो नगर सुन्दर बनाउन उत्प्रेरणा पनि जगाउने दावी गरे
कार्यक्रम अनुसार उनीहरुले असार १ गतेदेखि १ महिनासम्म नगरका १० वटै वडामा आबश्यकता अनुसारका काम गर्नेछन् । त्यसका लागि वडाहरुले आ–आफ्ना कामका क्षेत्र निर्धारण गरिसकेका छन् । यस अन्तरगत प्रत्येकले दैनिक ५ सय १७ रुपैयाँ पारिश्रमिक पाउने छन् ।
