बिर्तामोड।
चेतना प्रकाशन संस्था बिर्तामोड– ५ ले एकैसाथ सम्मान तथा कृति लोकार्पण कार्यक्रम सम्पन्न गरेको छ ।
संस्थाका अध्यक्ष आख्यानकार पुण्यप्रसाद खरेलको अध्यक्षता तथा साहित्यकार सरोज ओलीको प्रमुख आतिथ्यमा कार्यक्रम भएको थियो ।
कार्यक्रममा साहित्यकार विजय खरेल, समाजसेवी त्रिलोचन संग्रौला र शिक्षासेवी जयप्रसाद उप्रेतीलाई जनही नगद पाँच हजारसहित सम्मान गरिएको थियो । उनीहरुलाई प्रमुख अतिथि साहित्यकार सरोज ओली, विशिष्ट अतिथि मुक्ति बराल तथा पुण्यप्रसाद खरेलले फुलमाला, दोसल्ला र सम्मानपत्र प्रदान गरेका थिए ।
सोही कार्यक्रमकाबीच चेतना प्रकाशन संस्थाका अध्यक्ष आख्यानकार पुण्यप्रसाद खरेलको ‘समय–समयका बोली’ नामक निबन्ध संग्रहको लोकार्पण गरिएको थियो । लोकार्पित कृतिको समीक्षा कथाकार भवानी क्षेत्री, होम सुवेदी र कमलप्रसाद गुरागाईंले गरेका थिए ।
कार्यक्रकममा मुक्तिप्रसाद उपाध्याय बराल, प्राज्ञ यज्ञराज प्रसाईं, कोमलप्रसाद पोखरेल, विजय खरेल लगायतले मन्तव्य राखेका थिए । कार्यक्रममा समीक्षा थपलिया, मीना अधिकारी, नारायणप्रसाद भट्टराई, बिन्दुप्रसाद दाहाल, हरिप्रसाद नेउपाने र खिलप्रसाद शिवाकोटीले कविता वाचन गरेका थिए ।
संस्थाका उपाध्यक्ष हेमनाथ अधिकारीले स्वागत गरेको कार्यक्रमको सञ्चालन सचिव पुण्य खरेलले गरेका थिए ।
