बुधबारे।
झापाको बुद्धशान्ति वडा नम्बर ४ ले बिहीबार ७ जना उत्कृष्ट कृषकलाई जनही १० हजारका दरले प्रोत्साहन रकमसहित सम्मान गरेको छ ।
वडाको बजेटबाट उनीहरुलाई सम्मान गरिएको वडाध्यक्ष बुद्धिमान लिम्बूले जनाएका छन् । यसरी सम्मानित हुनेहरुमा चैतन्य उप्रेती, बृखबहादुर लिम्बू, कृष्ण उप्रेती, सञ्जु अधिकारी, सुरेन्द्र अधिकारी, यमुना अधिकारी र प्रकाश कँडरिया रहेका छन् ।
वडाध्यक्ष लिम्बूको अध्यक्षता एवम् गाउँपालिका अध्यक्ष रमेशकुमार भुजेलको प्रमुख आतिथ्यमा भएको कार्यक्रममा वडा नम्बर ६ का वडाध्यक्ष शम्भुप्रसाद पौड्याल, कार्यपालिका सदस्य दुर्गा ढुंगेल, प्रमुख प्रशासकीय अधिकृत धनञ्जयकुमार साह, शिक्षा शाखा प्रमुख कमल उप्रेती, कृषि शाखा प्रमुख भूपेन्द्र यादव, सहकारी शाखा प्रमुख देवेन्द्र दाहाल लगायतको आतिथ्य रहेको थियो । सम्मान कार्यक्रमको सञ्चालन कृषि शाखाका कैलाश सिंहले गरेका थिए ।ुु
