बिर्तामोड,फागुन १४ । झापाको डोमालाल रङ्गशालामा जारी जिल्लास्तरीय बी डिभिजन लिग फुटबल प्रतियोगितामा बुधबार गोर्खा स्पोर्टिङ क्लब दमक र रोलिङ क्लब धुलाबारी विजयी भएका छन् ।
पहिलो खेलमा काँकरभिट्टाको नाइट चेस क्लबलाई ३–० को फराकिलो गोल अन्तरमा पराजित गर्दै गोर्खा स्पोर्टिङ विजयी भएको हो । गोर्खाका लागि राम राईले खेलको १९ र ३३ मिनेटमा दुई गोल गरे भने क्षितिज लिम्बूले ५०औँ मिनेटमा अर्को गोल थपे ।
तस्वीर सौजन्य/ एनएसजेएफ, झापा
त्यस्तै, दोस्रो खेलमा रोलिङका लागि भुवन गुरुङले खेलको २३औँ मिनेटमा गरेको गोल नै निर्णायक बन्यो । दुवै विजेता टोलीले समान ३–३ अङ्क जोडेका छन् ।
झापा जिल्ला फुटबल संघले आयोजना गरेको प्रतियोगितामा बिहीबार भेट्रान क्लबबीच प्रतिस्पर्धा हुने बरिष्ठ फुटबल प्रशिक्षक भगिरथ आले ‘मामा’ले बताए । उनका अनुसार काँकरभिट्टा र चन्द्रगढी भेट्रान्स क्लबबीच खेल हुनेछ ।
यता नेपाल तरुणदल चारपानेको आयोजनामा चारपानेमा सञ्चालन भइरहेको क्षेत्र नम्वर दुई स्तरीय नक आउट फुटबल प्रतियोगिता अन्र्तगत आज भएको पहिलो सेमीफाइनल खेलमा अनारमनी विजयी बनेको छ ।
ज्यामिरगढी र अनारमनीबीच भएको खेलमा ज्यामिरगढीलाई शून्यका विरुद्ध पाँच गोल गर्दै अनारमनी विजयी बन्दै पाइनलमा प्रवेश गरेको हो । बिजयी टिमका तर्फबाट पुनम आलेले २ गोल, विकी चौधरी र नरेश लिम्वूले १÷१ गोल गरेका थिए । खेलको म्यानअफदी म्याच पराजित टिमका गोलकिपर अमित राई घोषित भए ।
भोलिको दोस्रो सेमीफाइनल खेल दुवागढी र चन्द्रगढी एक आपसमा भिड्ने आयोजक समितिका सचिव याम भुजेलले जानकारी दिए ।
