इलाम, असोज २७ । श्रीअन्तुस्थित प्रहरी चौकीको भवन निर्माणार्थ जग्गा उपलब्ध गराउने स्थानीय तीन जग्गादातालाई सम्मान गरिएको छ ।
भवन उद्घाटन कार्यक्रमको अवसरमा क्षेत्रीय प्रहरी कार्यालयका प्रमुख नवराज सिलवालले जग्गादातालाई दोसल्ला र सम्मानपत्रबाट सम्मान गरेका हुन् ।
श्रीअन्तु–३ स्थित छिरुवामा निर्मित भवनका लागि स्थानीय खड्गबहादुर शाहले दुई रोपनी, टंकबहादुर लाप्चाले १२ आना र टेकबहादुर शाहले सात आना जग्गा दिए । रासस
