दमक,कात्तिक २४ । बोन्साई साहित्य प्रतिष्ठानद्वारा दमकमा आयोजित यस वर्षको एलपी जोशी बिशिष्ट प्रतिभा सम्मान पुरस्कारबाट बरिष्ठ संगीतकर्मी गणेश रसिकलाई सम्मान गरिएको छ ।
मेची सहकारीको सभाहलमा आयोजित कार्यक्रममा नेपाल संगीत
नाट्य प्रज्ञा प्रतिष्ठानका कुलपति सरुभक्तले ताम्रपत्रसहित रसिकलाई सम्मान गरेका हुन् ।
कार्यक्रममा कञ्चनजंघा एफएफमका प्रवन्ध निर्देशक चन्द्र भण्डारीले सम्मानित व्यक्तित्व रसिकको जीवनी र प्रज्ञा प्रतिष्ठानबारे बोलेका थिए । कार्यक्रममा कवि प्रकाश बुढाथोकी, बरिष्ट पत्रकार केदार शर्मा लगायतले बोलेका पनि आफ्नो भनाई राखेका थिए ।
कार्यक्रम बोन्साई साहित्य प्रतिष्ठानका अध्यक्ष धनकुटेको सभापतित्वमा संचालन भएको थियो । लोक गायक जोशीले आफ्नी दिवंगत श्रीमती बिन्दाको सम्झनामा स्थापना गरेको यस सम्मानबाट पहिलो पटक गत वर्ष बरिष्ठ गायिका मिरा राणालाई सम्मान गरिएको थियो ।
विज्ञापन
