मेचीनगर ।
नेपाली युवा बढ्दो रुपमा विदेश पलायनक्रमलाई रोक्न स्वदेशी उधमशीलतामा जोड्ने उद्देश्यले नेपाल जेसीज शाखा धुलाबारीले ४६ वटा शाखा `क´ सम्मेलनको तयारी गरेको छ ।
सम्मेलनमा जेसीजका ६ सय र अन्य अतिथि गरी ७ सयबढी सहभागीलाई वैदेशिक रोजगार र स्वादेशी उधमशीलता सम्भावनाप्रति युवाको जिज्ञासा र विज्ञको सहजीकरण नै प्रमुख रहने जनाएको छ । पछिल्लो समयमा देशमा उद्योग ब्यापार-ब्यवसायमा छाएको आर्थिकमन्दी र त्यसपछि उत्पन्न बढ्दो बेरोजगारकै कारण वैदेशिक रोजगारीमा पलायनक्रमलाई स्वरोजगारमा जोड्ने आयोजकले आइतबार पत्रकारसमक्ष जानकारी दिइएको छ ।
८ वर्षयता पुर्वमा मेचीनगरको धुलाबारी जेसीज शाखा धुलाबारीले ८ वर्षपछि ४६ वटा शाखाहरुका लागि `क´ क्षेत्रको सम्मेलनको तयारी गरेको छ । सहभागीहरुलाई मेचीनगरका ऎतिहासिक तथा पर्यटन क्षेत्रको अवलोकन गराउने कार्यक्रम रहेको जनाएको छ ।
नेपाल जेसीजको `क´ क्षेत्रका ४३ वटा र ३ वटा सम्भावित शाखाहरुको आगामी असोज ११ र १२ गते एरिया सम्मेलन गर्ने तयारी गरिएको आइतबार पत्रकारसमक्ष जानकारी दिएको छ ।
सम्मेलनमा सबै शाखाबाट ६ सय र अन्य अतिथि गरी सात सयबढीलाई सम्मेलन हलको ब्यवस्थापन, यातायातसहित खान र बस्नको ब्यवस्थापनको तयारी गरेको सम्मेलन आयोजक निर्देशक अनन्त वस्तीले जानकारी दिए । उनका अनुसार `क´ क्षेत्रका झापाको बाहुनडाँगीदेखि सर्लाहीको मलङ्गासम्मका जेसीज शाखाको नेतृत्व सम्हाल्दै आएका युवाहरुलाई दुईदिने सम्मेलनमा सहभागी हुने जनाएको छ ।
उद्घाटनको दिन थिम सेमिनार, जेनेर्ल एसेम्ली, सिनेटर बैठक, जुनियर जेसीजकाे बैठक, अन्तर शाखा वक्तृत्वकला र जेसीज नाइट कार्यक्रमको तय गरिएको सचिब लीलाप्रसाद भण्डारीले जानकारी दिए । त्यसैगरी दोस्रो दिन तालिम, जेनेरेन एसेम्ली, नेपाल जेसीजको अवार्ड वितरण, समापन र विभिन्न १७ वटा उपसमिति निर्माण गर्ने जनाएको छ ।
उक्त जेसीज सम्मेलन सम्पन्न गर्न ३२ लाखबढी खर्च हुने अनुमान गरिएको वस्तीले बताए । आर्थिक ब्यवस्थापनका लागि ५५० जनाको रजिस्ट्रेशन शुल्क, ब्यवसायिक प्रर्वद्वनका स्टल, सुभेक्षुबाट आर्थिक ब्यवस्थापन गरिने कोषाध्यक्ष ऋषि तिम्सिनाले जानकारी दिए ।
धुलाबारीको पासाङ ल्वामु टाउन हलमा आयोजना गरिने सम्मेलनलाई सब्य र भब्य ढंगले सम्पन्न गर्नेका लागि समाजका हरेक पक्षसँग छलफल संचालन गरेको र सबै शाखालाई पत्रचारसमेत गरिसकेको सम्मेलनका प्रचार-प्रसार संयोजक देबु बानियाँले जानकारी दिए ।