छविराज ढकाल/ पथरी शनिश्चरे,
मोरङको कानेपोखरी गा.पा. ४ खोरीया स्थित डाँस खोलाले डाँस खोलाले बगाएर ७५ वर्षे वृद्ध लाखबहादुर राईको मृत्यु भएको छ।
पथरी शनिश्चरे-८ मंगलबारे बस्ने ७५ वर्षका राईलाई बगाउँदै ल्याएको स्थानियले देखेपछि वृद्धलाई खोलाबाट बाहिर उद्वार गरी निकालेका थिए। खोलामा बग्दा बग्दै वृद्धको मृत्यु भएको प्रहरीको प्रारम्भिक अनुसन्धान छ।
सोको जानकारी पाउनासाथ तत्काल प्रहरी चौकी रमाईलोका प्रनानि मोहन कुमार प्रधानको कमाण्डमा प्रहरी टोली घटनास्थलमा खटिएको र घटनास्थल सुरक्षित राखेको थियो।
उक्त घटना सम्बन्धमा थप अनुसन्धान तथा अन्य कानुनी प्रकृयाको लागि इलाका प्रहरी कार्यालयका पथरीबाट प्रहरी निरीक्षक खगेन्द्र एक्तेनको कमाण्डमा प्रहरी टोली खटिएको छ।
