झापा,
झापाको अर्जुनधारा नगरपालिकामा मासुसहित एकजना पक्राउ परेका छन् भने घरधनी फरार रहेका छन्।
बुधबारराति अर्जुनधारा–५, पानीकल निवासी सन्तबहादुर मोक्तान तामाङको घरमा छापा मार्दा करिब आठ किलो टुक्रा–टुक्रा पारेको मासु फेला परेको प्रहरीले जनाएको छ ।
घटनास्थलबाट अर्जुनधारा–४ निवासी अन्दाजी ५० वर्षीय रामतामाङलाई एक थान खुकुरीसहित प्रहरीले नियन्त्रणमा लिएको छ। घरधनी सन्तबहादुर मोक्तान तामाङ भने तत्काल फरार भएका छन्।
पक्राउ गरिएको मासु परीक्षणका लागि पठाइएको र राति १२ बजे सम्पूर्ण कानुनी प्रक्रिया पूरा गरिएको प्रहरीले जनाएको छ।
यस विषयमा थप अनुसन्धान कार्य जारी रहेको जिल्ला प्रहरी कार्यालय झापााले जनाएको छ ।
